కొత్తపల్లిలో ఒకప్పుడు ప్రీమియర్‌కి అద్భుతమైన స్పందన – థియేటర్లలో చూసి మద్దతివ్వండి: రానా దగ్గుబాటి
The rural comedy film Kothapallilo Oka Roju received an overwhelming response at its pre-release premiere, with Rana Daggubati urging audiences to support the film in theatres for its honest storytelling and authentic characters.
స్పిరిట్ మీడియా సమర్పణలో వస్తున్న గ్రామీణ హాస్య చిత్రంగా కొత్తపల్లిలో ఒకప్పుడు ఈ నెల 18న విడుదలకు సిద్ధమవుతోంది. ‘కేరాఫ్ కంచరపాలెం’, ‘ఉమా మహేశ్వర ఉగ్ర రూపస్య’ వంటి సినిమాల నిర్మాత ప్రవీణ పరుచూరి దర్శకత్వం వహించిన ఈ సినిమాలో మనోజ్ చంద్ర, మోనికా ప్రధాన పాత్రల్లో నటించారు.
ఈ సందర్భంగా హైదరాబాద్‌లో ఏర్పాటు చేసిన ప్రీ రిలీజ్ ప్రెస్ మీట్‌లో మూవీ ప్రెజెంటర్ రానా దగ్గుబాటి మాట్లాడుతూ – ‘‘ఇలాంటి సినిమాలు జనాల్లోకి ఎలా తీసుకెళ్లాలి అన్నది ప్రతి సారి కొత్తగా ఆలోచించాలి. ప్రీ రిలీజ్ ఈవెంట్‌లోనే సినిమా చూపించటం అరుదుగా జరుగుతుంది. ఈ సినిమా మొదటిసారి చూసినప్పుడే ఇందులోని పాత్రలు మన చుట్టూ ఉన్నవాటిలా అనిపించాయి. ప్రవీణ కార్డియాలజిస్ట్‌గా ప్రాక్టీస్ చేస్తూనే ఈ సినిమాను తీశాడు. ఇది పెద్ద విషయం. మంచి సినిమాలను స్క్రీన్ మీదకి తేవడం నా బాధ్యత’’ అని తెలిపారు.
దర్శకుడు ప్రవీణ పరుచూరి మాట్లాడుతూ – ‘‘ఇది నా డైరెక్టర్‌గా తొలి సినిమా. మీరు ‘కేరాఫ్ కంచరపాలెం’ సినిమాను ఆదరించడంతోనే ఈ సినిమాకు నన్ను ధైర్యం వచ్చింది. ఈ సినిమాను థియేటర్లలో చూసి మద్దతివ్వండి. నమ్మకంతో చేశాను’’ అని చెప్పారు.
హీరో మనోజ్ చంద్ర మాట్లాడుతూ – ‘‘రామకృష్ణ అనే క్యారెక్టర్‌కి ప్రాణం పోసింది ప్రవీణ గారే. మా కష్టాన్ని గుర్తించిన రానాకు థ్యాంక్స్. నిజాయితీగా తీసిన సినిమాలను ఆడియన్స్ ఎప్పుడూ ఆదరిస్తారు’’ అన్నారు.
యాక్టర్ రవీంద్ర విజయ్ మాట్లాడుతూ – ‘‘తెలుగు సినిమాకు నన్ను ప్రవేశపెట్టిన ప్రవీణకి థ్యాంక్స్. స్క్రీన్ మీద మ్యాజిక్ ఫీల్ అయింది. థియేటర్లలో చూడండి’’ అన్నారు.
విజయవంతమైన ప్రీమియర్ తర్వాత సినిమాపై అంచనాలు పెరిగాయి. మానవీయత, హాస్యం, అనుభూతులు కలగలిసిన కథాంశంతో రానా సమర్పిస్తున్న ఈ చిత్రం థియేటర్లలో కొత్త అనుభూతిని ఇచ్చే అవకాశముందని సినీ వర్గాలు భావిస్తున్నాయి.