PM కిసాన్ డబ్బులు అందుకోవాలంటే ఈ ఒక్క పని తప్పనిసరి… లేదంటే రూ.2వేలు ఆగిపోతాయి.
To receive the 20th PM-Kisan installment, farmers must complete this one key step — or risk losing ₹2,000.
పీఎం కిసాన్ 20వ విడత డబ్బులు విడుదలకు సిద్ధంగా ఉన్నాయి. కేంద్ర ప్రభుత్వం ఎప్పుడు విడుదల చేస్తుందో చూడాల్సి ఉంది. అయితే ఈ మొత్తాన్ని పొందాలంటే రైతులు తప్పనిసరిగా ఇ-కేవైసీ (e-KYC) పూర్తి చేయాలి. ఆధార్-ఆధారిత ఈ కేవైసీ లేకుంటే ప్రభుత్వం వాయిదా నిలిపివేస్తుంది.
The 20th installment of the PM-Kisan Samman Nidhi is about to be released. However, to receive the ₹2,000 benefit, farmers must ensure their e-KYC is completed. Failure to do so may result in the payment being withheld by the government.
పీఎం కిసాన్ యోజన 20వ విడత విడుదలకు కేంద్ర ప్రభుత్వం సన్నాహాలు పూర్తి చేసింది. నివేదికల ప్రకారం జూలై 19 లేదా 20న ఈ వాయిదా విడుదలయ్యే అవకాశం ఉంది. మిగతా విడతల మాదిరిగానే ఈసారి కూడా రూ.2వేలు లబ్ధిదారుల బ్యాంకు ఖాతాల్లో నేరుగా జమ కానున్నాయి. అయితే చాలా మంది రైతులు ఇప్పటికీ e-KYC పూర్తి చేయకపోవడం వల్ల ఈ మొత్తాన్ని కోల్పోయే ప్రమాదం ఉంది.
ప్రధానమంత్రి కిసాన్ సమ్మాన్ నిధి పథకం కింద ప్రతి ఏడాదికి రూ.6,000 చొప్పున మూడు విడతలుగా రైతులకు నిధులు అందిస్తున్న కేంద్ర ప్రభుత్వం, ప్రతి నాలుగు నెలలకు ఒక వాయిదా చొప్పున రూ.2,000 చెల్లిస్తోంది. కానీ e-KYC లేకపోతే ప్రభుత్వం డబ్బులు జమ చేయదు. రైతులు వెంటనే వారి ఆధార్ ఆధారిత KYCను ఆన్‌లైన్‌లో లేదా CSC కేంద్రాల ద్వారా పూర్తిచేయాలి.
e-KYC పూర్తిచేయడం ఎలా?
ఆన్‌లైన్‌ విధానం:
- అధికారిక వెబ్‌సైట్ (https://pmkisan.gov.in) లోకి వెళ్లండి.
- హోం పేజీలోని e-KYC ఆప్షన్‌ను క్లిక్ చేయండి.
- ఆధార్ నంబర్ ఎంటర్ చేసి, OTP ద్వారా ధృవీకరించండి.
CSC సెంటర్‌లో:
- దగ్గరలో ఉన్న కామన్ సర్వీస్ సెంటర్‌కు వెళ్లండి.
- ఆధార్ కార్డు తీసుకెళ్లండి.
- ఫింగర్ ప్రింట్ ద్వారా KYC పూర్తి చేయించుకోండి.
ఇప్పుడు చేసిన ఒక చిన్న అప్రమత్తత వల్లే రైతులు రూ.2వేలు పొందవచ్చు. లేకపోతే వాయిదా ఆగిపోవచ్చు. కావున రైతులు తక్షణమే తమ KYCని సరిచూసుకోవాలి.