మహిళలకు ఉచిత ప్రయాణంపై రాష్ట్ర ప్రభుత్వం నిర్ణయం – ఆగస్టు 15 నుంచి ‘జీరో ఫేర్ టిక్కెట్ల’తో బస్సు ప్రయాణం
Free bus travel for women from August 15 – Govt to issue ‘Zero Fare Tickets’ with subsidy details
ఆగస్టు 15 నుంచి రాష్ట్రంలో మహిళలకు ఉచిత బస్సు ప్రయాణాన్ని ప్రారంభించనుంది. ఈ పథకం కింద జారీ అయ్యే టిక్కెట్లపై ప్రయాణ వివరాలతోపాటు ప్రభుత్వ సబ్సిడీ సమాచారం కూడా ముద్రించనుంది.
From August 15, the Andhra Pradesh government will roll out free RTC bus travel for women. The ‘Zero Fare Ticket’ will clearly mention travel details and the amount subsidized by the government.
ఆంధ్రప్రదేశ్ ప్రభుత్వం మహిళల కోసం రూపొందించిన ఉచిత బస్సు ప్రయాణ పథకం అమలుకు అన్ని ఏర్పాట్లు జరుగుతున్నాయి. ముఖ్యమంత్రి చంద్రబాబు నాయుడు నేతృత్వంలో జరిగిన సమీక్షలో ఈ పథకం అమలు విధానాలపై స్పష్టత వచ్చింది. మహిళలకు జారీ చేయబోయే ‘జీరో ఫేర్ టిక్కెట్ల’పై – వారు ఎక్కడినుంచి ఎక్కడికి ప్రయాణించారో, ఆ ప్రయాణం విలువ ఎంతో, ప్రభుత్వం అందించిన పూర్తి రాయితీ ఎంత అనే వివరాలు ముద్రించాలన్నారు. ఈ విధంగా టికెట్ ఆధారంగా ప్రతి మహిళా ప్రయాణికుడికి ప్రభుత్వ మద్దతు ఎన్ని రూపాయలుగా లభిస్తుందో స్పష్టంగా తెలుస్తుందన్నది ముఖ్యమంత్రి ఉద్దేశం.
ఈ టికెట్ల నిర్వహణకు అవసరమైన సాఫ్ట్‌వేర్‌ను అభివృద్ధి చేయాలని సీఎం అధికారులకు ఆదేశించారు. సోమవారం సచివాలయంలో జరిగిన సమీక్షలో పథకం అమలు వ్యయం, ఇతర రాష్ట్రాల అనుభవాలు, ఆర్టీసీ నిర్వహణ వ్యయాలపై చర్చ జరిగింది. ఏపీలో పథకం అమలుకు ఎంతో నిశ్చయంతో ముందుకు వెళ్లాలని సీఎం స్పష్టం చేశారు.
అంతేకాక, ఆర్టీసీపై రాబోయే భారాన్ని తగ్గించేందుకు సంస్థకు ఇతర ఆదాయ మార్గాల ఏర్పాటుపై సీఎం దృష్టి సారించారు. నిర్వహణ ఖర్చులు తగ్గించేందుకు మార్గాలు అన్వేషించాలన్నారు. రాబోయే కాలంలో రాష్ట్రంలో ఎలక్ట్రిక్ ఏసీ బస్సులే కొనుగోలు చేయాలని నిర్ణయం తీసుకున్నారు. ఇప్పటికే ఉన్న బస్సులను ఎలక్ట్రిక్ బస్సులుగా మారుస్తే వ్యయం తగ్గుతుందని అభిప్రాయపడ్డారు.
దీనికి తోడు, రాష్ట్ర వ్యాప్తంగా అన్ని ఆర్టీసీ డిపోలలో చార్జింగ్ స్టేషన్ల ఏర్పాటుపైనా సీఎం ప్రత్యేక దృష్టి పెట్టారు. అవసరమైన విద్యుత్‌ను రాష్ట్రం స్వయంగా ఉత్పత్తి చేసుకోవాలని చెప్పారు. ఈ విధంగా ఆర్టీసీ సంస్థను నష్టాల్లోంచి లాభాల దిశగా నడిపించాలన్నది సీఎం లక్ష్యం.