తిరుపతిలో పర్యటించనున్న సీఎం చంద్రబాబు… ఘన వ్యర్థాల కేంద్రం పరిశీలనతో ప్రారంభమై, కపిలతీర్థంలో స్వచ్ఛాంధ్ర సమావేశంతో కొనసాగనున్న పరిపాలనా పర్యటన
రాష్ట్ర ముఖ్యమంత్రి నారా చంద్రబాబు నాయుడు ఈ శనివారం తిరుపతికి పర్యటన నిర్వహించనున్నారు. రేణిగుంట ఎయిర్‌పోర్టు నుంచి నేరుగా ఘన వ్యర్థాల నిర్వహణ కేంద్రాన్ని పరిశీలించనున్న ఆయన, అనంతరం కపిలతీర్థంలో కపిలేశ్వరస్వామిని దర్శించుకోనున్నారు. అక్కడే స్వచ్ఛాంధ్ర ప్రతినిధులతో సమావేశం నిర్వహించి, పోలీస్ పరేడ్ మైదానంలో ప్రజావేదికలో మాట్లాడనున్నారు. అనంతరం అలిపిరిలో కంచికామకోటి మహామండపాన్ని సందర్శించనున్న సీఎం చంద్రబాబు, సాయంత్రం తిరిగి అమరావతికి వెళ్లనున్నారు.