సుప్రీంకోర్టు తీర్పుతో నటి ప్రత్యూష మృతి కేసు ముగింపు దశకు చేరింది. నిందితుడు సిద్ధార్థ రెడ్డి దాఖలు చేసిన పిటిషన్ను కొట్టివేసిన కోర్టు, నాలుగు వారాల్లో లొంగిపోవాలని ఆదేశించింది.
The Supreme Court has delivered its final verdict in the actress Prathyusha death case, dismissing Siddharth Reddy’s petition and directing him to surrender within four weeks.
రెండు దశాబ్దాల క్రితం తెలుగు రాష్ట్రాల్లో సంచలనం సృష్టించిన సినీ నటి ప్రత్యూష మృతి కేసులో సుప్రీంకోర్టు తుది తీర్పు వెలువరించింది. నిందితుడు సిద్ధార్థ రెడ్డి హైకోర్టు తీర్పును సవాల్ చేస్తూ దాఖలు చేసిన పిటిషన్ను సుప్రీంకోర్టు తిరస్కరించింది. హైకోర్టు ఖరారు చేసిన శిక్షను సమర్థిస్తూ, నాలుగు వారాల్లో లొంగిపోవాలని సిద్ధార్థ రెడ్డికి ఆదేశాలు జారీ చేసింది.
ఇదే కేసులో నిందితుడికి విధించిన శిక్షను పెంచాలని కోరుతూ ప్రత్యూష తల్లి దాఖలు చేసిన పిటిషన్ను కూడా కోర్టు కొట్టివేసింది. దీంతో హైకోర్టు ఇచ్చిన శిక్షే అమల్లో ఉండనుంది.
ఈ కేసు 2002 ఫిబ్రవరి 23న జరిగిన ఘటనకు సంబంధించినది. ప్రత్యూష మరియు సిద్ధార్థ రెడ్డి పురుగుమందు కలిపిన కూల్డ్రింక్ తాగిన తర్వాత ఆస్పత్రిలో చికిత్స పొందుతూ ప్రత్యూష మృతి చెందగా, సిద్ధార్థ రెడ్డి కోలుకున్నాడు. వైద్యుల నివేదిక ప్రకారం ఆర్గానోఫాస్ఫేట్ విషప్రయోగం కారణంగా ప్రత్యూష మరణించిందని తేలింది.
సీబీఐ దర్యాప్తులో సిద్ధార్థ రెడ్డిపై పలు సెక్షన్ల కింద ఛార్జిషీట్ దాఖలైంది. 2004లో హైదరాబాద్ మెట్రోపాలిటన్ సెషన్స్ కోర్టు ఐదేళ్ల కఠిన కారాగార శిక్ష విధించింది. తరువాత 2011లో హైకోర్టు శిక్షను రెండేళ్లకు తగ్గించి, జరిమానాను రూ.50 వేలుగా పెంచింది. ఈ తీర్పును సవాల్ చేస్తూ సిద్ధార్థ రెడ్డి సుప్రీంకోర్టును ఆశ్రయించగా, తాజాగా ఆ పిటిషన్ తిరస్కరణకు గురైంది.
The Supreme Court’s decision effectively brings closure to a case that once shocked the Telugu film industry and the public. With both petitions dismissed, the High Court’s sentence stands, and Siddharth Reddy has been ordered to surrender within four weeks.