కోరుట్ల పట్టణంలోని ఆదర్శనగర్ ప్రాథమిక పాఠశాలలో లయన్స్ ఇంటర్నేషనల్ జిల్లా 320జీ దశాబ్ది ఉత్సవాలను కోరుట్ల లయన్స్ క్లబ్ ఆధ్వర్యంలో ఘనంగా నిర్వహించారు. విద్యార్థులలో విద్యా ఆసక్తిని పెంపొందించేందుకు నోట్ బుక్స్, పెన్లు, పలుకులు, బలుపాలు తదితర విద్యా సామాగ్రిని పంపిణీ చేశారు.
పర్యావరణ పరిరక్షణ చర్యల్లో భాగంగా జాతీయ రహదారి పక్కన మొక్కలు నాటే కార్యక్రమాన్ని కూడా చేపట్టారు. లయన్స్ సభ్యులు, ఉపాధ్యాయులు, విద్యార్థులు కలిసి మొక్కలు నాటి, పర్యావరణంపై అవగాహన కల్పించారు.
ఈ కార్యక్రమంలో క్లబ్ అధ్యక్షుడు కొమ్ముల జీవన్ రెడ్డి, కార్యదర్శి ఏలేటి లక్ష్మారెడ్డి, కోశాధికారి నల్ల గంగాధర్, సభ్యులు గుంటుక సురేష్ బాబు, అజయేందర్ రావు, ఆడెపు మధు, మంచాల జగన్, వనపర్తి చంద్రం, గుంటుక మహేష్, గుణాకర్ రెడ్డి, పడాల నారాయణ గౌడ్, గాజంగి నాగభూషణ్, వేంకట్రాములు, కల్లెం గంగా రెడ్డి, బెజ్జంకి శ్రీనివాస్ రావు, కె. రాజేంద్ర ప్రసాద్ తదితరులు పాల్గొన్నారు.