పేద విద్యార్థులకు మోదీ కానుకగా సైకిళ్లు – బండి సంజయ్ 20 వేల పంపిణీకి శ్రీకారం
As a birthday initiative, Union Minister Bandi Sanjay Kumar will distribute 20,000 bicycles across government schools in his Karimnagar Parliamentary constituency to 10th-class students, easing their daily commute under ‘Modi Gift’.
కరీంనగర్ పార్లమెంట్ నియోజకవర్గంలో చదువుకుంటున్న పదో తరగతి ప్రభుత్వ పాఠశాల విద్యార్థులకు కేంద్ర హోంశాఖ సహాయ మంత్రి బండి సంజయ్ కుమార్ గుడ్‌న్యూస్ చెప్పారు. తన పుట్టినరోజు (జూలై 11)ను పురస్కరించుకుని ‘ప్రధాని మోదీ కానుక’గా దశలవారీగా 20 వేల సైకిళ్లను పంపిణీ చేయనున్నట్టు ప్రకటించారు. ఇప్పటికే 5 వేల సైకిళ్లు కరీంనగర్‌కు చేరినట్టు తెలుస్తోంది.
ఈ సైకిళ్లను పేద విద్యార్థుల రవాణా ఇబ్బందులను దృష్టిలో పెట్టుకుని ఎంపిక చేశారు. ప్రత్యేకించి టెన్త్ విద్యార్థులకు సాయంత్రం స్పెషల్ క్లాసులు ఉండటంతో రాత్రి వరకు స్కూల్లో ఉండాల్సి వస్తోంది. ఆటోలు, బస్సులు అందుబాటులో లేని చోట విద్యార్థులు తీవ్ర ఇబ్బందులు ఎదుర్కొంటున్నారు. దీనికి పరిష్కారంగా ఈ అభ్యుదయ కార్యక్రమాన్ని చేపట్టారు.
➤ పంపిణీ వివరణ:
- టెన్త్ విద్యార్థులకు ప్రధానంగా లక్ష్యం: మొత్తం 9,348 మంది పదో తరగతి విద్యార్థులకు మొదటి విడతలో అందజేయనున్నారు.
- మండలాల వారీగా: ప్రతి మండలానికి 100 చొప్పున
- డివిజన్‌లకు: కరీంనగర్ మునిసిపల్ కార్పొరేషన్‌లోని 66 డివిజన్‌లకు 50 చొప్పున
- మున్సిపాలిటీలు & పంచాయతీలు: ప్రతీ వార్డుకు 50 చొప్పున, పంచాయతీలకు 10–25 మధ్య
ఒక్కో సైకిల్ ఖర్చు రూ.5,300 కాగా, వీటిపై ప్రధానమంత్రి నరేంద్రమోదీ మరియు బండి సంజయ్ చిత్రాలను ముద్రించనున్నారు. మొత్తం సైకిళ్ల తయారీకి ప్రముఖ సంస్థకు ఇప్పటికే ఆర్డర్ కూడా ఇచ్చినట్టు బండి సంజయ్ బృందం తెలిపింది.