. Exams will be held from 9 AM to 12 PM till March 18, with a five-minute grace time allowed for late entry.
తెలంగాణలో నేటి నుంచి ఇంటర్మీడియట్ వార్షిక పరీక్షలు ప్రారంభమవుతున్నాయి. Exams will be held from 9 AM to 12 PM till March 18, with a five-minute grace time allowed for late entry.
తెలంగాణలో ఇంటర్ ఫస్ట్ ఇయర్, సెకండ్ ఇయర్ వార్షిక పరీక్షలు నేటి నుంచి ప్రారంభమయ్యాయి. మార్చి 18 వరకు రాష్ట్రవ్యాప్తంగా పరీక్షలు నిర్వహించనున్నారు. పరీక్షల నిర్వహణకు ఇంటర్మీడియట్ బోర్డు విస్తృత ఏర్పాట్లు చేసింది.
ఈ రోజు ఫస్ట్ ఇయర్ పరీక్ష జరగనుండగా, రేపటి నుంచి సెకండ్ ఇయర్ పరీక్షలు ప్రారంభమవుతాయి. ప్రతిరోజూ ఉదయం 9 గంటల నుంచి మధ్యాహ్నం 12 గంటల వరకు పరీక్షలు నిర్వహించనున్నారు. రాష్ట్రవ్యాప్తంగా మొత్తం 9.97 లక్షల మంది విద్యార్థులు పరీక్షలకు హాజరుకానున్నారు. అందులో ఫస్ట్ ఇయర్ నుంచి 4,89,126 మంది, సెకండ్ ఇయర్ నుంచి 5,07,949 మంది విద్యార్థులు ఉన్నారు. పరీక్షల కోసం 1,495 కేంద్రాలను ఏర్పాటు చేశారు.
గతంలో అమలులో ఉన్న ‘ఒక నిమిషం ఆలస్య నిబంధన’ను ఈసారి రద్దు చేశారు. పరీక్ష ప్రారంభ సమయం 9 గంటలు కాగా, 9.05 గంటల వరకు ఆలస్యంగా వచ్చిన విద్యార్థులను అనుమతించనున్నారు. అయినప్పటికీ, విద్యార్థులు కనీసం అరగంట ముందే పరీక్షా కేంద్రానికి చేరుకోవాలని అధికారులు సూచించారు.
ఈసారి అన్ని పరీక్షా కేంద్రాల్లో సీసీ కెమెరాలు ఏర్పాటు చేశారు. మాస్ కాపీయింగ్ నివారించేందుకు జంబ్లింగ్ విధానం అమలు చేస్తున్నారు. విద్యార్థులు పూర్తి మూడు గంటల పాటు పరీక్షా కేంద్రంలో ఉండాల్సి ఉంటుంది. ముందుగానే పేపర్ పూర్తి చేసినా మధ్యాహ్నం 12 గంటల వరకు బయటకు వెళ్లేందుకు అనుమతి ఉండదు.
ఇక విద్యార్థుల ప్రయాణ సౌకర్యాల కోసం Telangana State Road Transport Corporation ప్రత్యేక ఏర్పాట్లు చేసింది. అమ్మాయిలు బస్సుల్లో ప్రయాణించేటప్పుడు ఆధార్ కార్డు చూపించాల్సిన అవసరం లేదు. హాల్ టికెట్ చూపిస్తే ఉచిత ప్రయాణ సౌకర్యం కల్పిస్తారు. రాష్ట్ర రవాణా శాఖ మంత్రి Ponnam Prabhakar అదనపు ప్రత్యేక బస్సులను ఏర్పాటు చేసినట్లు తెలిపారు. విద్యార్థులు ఎక్కడ ఆపినా బస్సులు ఆపాలని అధికారులకు సూచించారు.
పరీక్షల సందర్భంగా Revanth Reddy విద్యార్థులకు శుభాకాంక్షలు తెలిపారు. పరీక్షలను ధైర్యంగా రాయాలని సూచించారు.
ఇక సమాధాన పత్రాల మూల్యాంకనం షెడ్యూల్ను కూడా బోర్డు ప్రకటించింది. మార్చి 4 నుంచి సంస్కృతం పేపర్ల మూల్యాంకనం ప్రారంభమవుతుంది. మార్చి 15 నుంచి మొదటి విడత, మార్చి 18 నుంచి రెండో విడత, మార్చి 20 నుంచి మూడో విడత మూల్యాంకనం చేపడతారు. ఏప్రిల్ రెండో వారంలో ఫలితాలను విడుదల చేయనున్నట్లు బోర్డు వెల్లడించింది.
Inter First and Second Year annual examinations have commenced across Telangana from today and will continue until March 18. Nearly 9.97 lakh students are appearing at 1,495 examination centres statewide. Authorities have cancelled the earlier one-minute late rule and are allowing entry up to 9:05 AM. CCTV cameras and jumbling systems have been implemented to prevent malpractice. Students must remain in examination halls for the full three-hour duration.
The Telangana State Road Transport Corporation has arranged special buses for students. Girl students can avail free travel by showing their hall tickets without Aadhaar verification. Evaluation of answer scripts will begin in phases from March 4, and results are expected in the second week of April.