‘కింగ్‌’ మూవీ షూటింగ్‌లో గాయపడ్డ షారుక్ ఖాన్… అమెరికాలో చికిత్స, షూటింగ్‌కు తాత్కాలిక బ్రేక్
Shah Rukh Khan injured during ‘King’ shoot, under treatment in the US – film postponed
బాలీవుడ్‌ నటుడు షారుక్ ఖాన్ తన తాజా చిత్రం ‘కింగ్‌’ షూటింగ్‌లో గాయపడ్డాడు. యాక్షన్ సీన్‌లో డూప్ లేకుండా తానే స్టంట్ చేస్తుండగా మ‌సిలుకాయలతో గాయపడ్డట్టు సమాచారం. దీంతో వెంటనే ఆయనను అమెరికాకు తీసుకెళ్లి చికిత్స అందిస్తున్నారు. వైద్యుల సలహాతో నెల రోజుల పాటు విశ్రాంతి తీసుకోవాలని నిర్ణయించడంతో సినిమా షూటింగ్‌ను సెప్టెంబర్‌కు వాయిదా వేశారు.
Bollywood star Shah Rukh Khan reportedly suffered an injury while filming an intense action sequence for his upcoming movie King. As per reports, the actor insisted on performing the stunt himself without a body double. Following the injury, he was flown to the US for treatment, where doctors have advised a month’s rest. As a result, the film’s shoot has been temporarily postponed to September.
ఇండస్ట్రీలో మూడు దశాబ్దాలుగా తన కృషితో అగ్రస్థానంలో ఉన్న షారుక్ ఖాన్, ఈ వయసులోనూ రిస్కీ స్టంట్స్ చేస్తూ యువ హీరోలకు పోటీగా నిలుస్తున్నారు. ‘కింగ్‌’ సినిమా కోసం ముంబైలోని గోల్డెన్ టొబాకో స్టూడియోలో ఓ భారీ యాక్షన్ సీక్వెన్స్ ప్లాన్ చేశారు. ఇందులో షారుక్ తానే పాల్గొన్న స్టంట్ చేస్తున్న సమయంలో ప్రమాదవశాత్తు గాయపడ్డారు.
ఈ ఘటన అనంతరం ఆయన తన టీంతో కలిసి అమెరికా వెళ్లారు. సినిమా వర్గాల ప్రకారం, గాయం తీవ్రమైనది కాదని, ఇది కండరాల సమస్య మాత్రమేనని తెలిపారు. అయితే షారుక్‌కు వైద్యులు విశ్రాంతి అవసరం అని చెప్పడంతో సెప్టెంబర్ వరకు షూటింగ్ నిలిపివేశారు.
‘కింగ్‌’ చిత్రానికి సిద్ధార్థ్‌ ఆనంద్‌ దర్శకత్వం వహిస్తున్నారు. ఇందులో షారుక్ కుమార్తె సుహానా ఖాన్ ప్రధాన పాత్రలో నటిస్తోంది. యాక్షన్ థ్రిల్లర్ నేపథ్యంలో తెరకెక్కుతున్న ఈ చిత్రం షూటింగ్‌కు తాత్కాలిక బ్రేక్ పడడంతో అభిమానులు కలవరపడుతున్నారు. అయినా, త్వరలో షారుక్ కోలుకుని తిరిగి సెట్స్‌పైకి వస్తారని చిత్ర వర్గాలు భావిస్తున్నాయి.