ఇనుప గొడ్డళ్లతో కడప జిల్లా ఫారెస్టు పరిధిలో అడవుల్లోకి వచ్చిన తొమ్మిది మందిని శుక్రవారం రాత్రి టాస్క్‌ ఫోర్సు పోలీసులు అరెస్టు చేశారు. ఆర్‌ఎస్‌ఐ ఆలీ బాషా, మురళీధర్‌ రెడ్డి టీమ్‌ కడప జిల్లా రాజంపేట చేరి, నందలూరు వైపు వెళుతుండగా, సిద్దవటం బాకరాపేట రేంజి మండపల్లి వద్ద కొందరు వ్యక్తులు అడువుల్లోకి ప్రవేశించేందుకు ప్రయత్నిస్తున్నారు. వీరిని చుట్టుముట్టి వారి వద్ద ఉన్న ఇనుప గొడ్డళ్లు, ఒక మోటారు సైకిల్‌ ను స్వాధీనం చేసుకున్నారు. సిద్దవటం మండలానికి చెందిన మాచుపల్లి మహేష్‌ (30), నాసరి సుబ్బరాయుడు (46), పుల్లంపేటకు చెందిన కత్తి నాగరాజు (34), కుమ్మితి గంగాదర్‌ (40), షేక్‌ హుసేన్‌ బాషా (30), దూదేకుల చిన్న హుసేన్‌ (34), దుదేకుల హుసేనయ్య (53), దూదేకుల హుస్సేని (31), అనకల బాల సుంకన్న (35) లను అరెస్టు చేశారు.తిరుపతి టాస్క్‌ ఫోర్స్‌ పోలీసు స్టేషన్‌ లో కేసు నమోదు చేసి, ఎస్‌ఐ బాలకృష్ణ దర్యాప్తు చేస్తున్నారు.